العمل ……… و أخرين

أتابع الجرائد الرسمية اليومية كل يوم أقرأ و أهتم بثلاث صفحات فقط الاولى الاحداث و الجرائم المجتمعية …… و الثانية الوفيات ….. و الثالثة هي الاعلانات ….. اهتم بصفحة الاعلانات لعلي أجد وظيفة في تخصصي الذي درسته …… او ان أجد شيئاً قريبا منه ……

المهم بلا طول سيرة و خليني أحكي في أدخل في الموضوع مباشرة ….. حكيتلكم بقرأ الجريدة و خاصة الاعلانات علشان الشغل يعني يمكن الاقي شي ….. المهم ….. و الاهم اني في شغل و مطلوب بس في شي اسمه عائق …. الخبرة …… يعني هداك اليوم بقرأ في الجريدة اعلان لمدرسة خاصة و بدهم ” مرشدة تربوية ” او ” مرشد تربوي ” طار عقلي من الفرح …. اني و الله في ناس بدهم تخصصي ….. عم بقرأ في الشروط المطلوبة :

1- يكون يحمل بكالوريوس إرشاد و صحة نفسية . يا عمي و الله موجودة

2- يكون معه شهادة icdl  . و الله كمان هاي خلصنها .

3- يكون معه خبرة 3 سنين …….. اها هون حطنا الجمال …. اذا كنت انا متخرجة قبل سنتين و ما صارلي ثلاث سنوات ….. و اذا كنت انا كل ما أروح لمدرسة بيسألوني كم معك خبرة و لا حدا راضي يففتحلي مجال او يعطيني فرصة أثبت كفاءاتي في تخصصي من وين انا بدي أجيب خبرة ؟؟؟؟؟؟؟؟؟؟

المهم ……. قلت يمكن والله إذا رحت الرحمن يطلع بوجهي و يفتحها علي كون الديوان للخدمة المدنية انشالله بعد تخرجنا بشي عشر سنين راح نتعين - بعيد الشر - كمان …. رحت دفعت في التاكسي 3 دنانير روحة و انا مش زعلانة يالله بلكي الله بيعوضني عنهم و بالرجعة كمان نفس الشي غير سطلة الشمس اللي اكلتها ….. و رحت فيها …. طبعاً

المهم دخلت هالمدرس الخاصة الي بتجنن من برا …. اول شي حارس بيسجل الاسماء و الغاية من زيارة المدرسة …..ز و اخيراً بعد التحقيق و الاستجواب …… الاستدلال على مكان تقديم الطلبات ….. وصلت للقسم ….. بنت حلوة قاعدة ورا مكتبها و بتسلم الطلبات للي بدوا …..

هاي صبية ….. بدك طلب ؟ …. اكيد بدي طلب و لا انا ليش جاي طبعا - بالطبع ما كنت بحكي هيك  هادا الكلام يلي بيني و بين حالي -

اخذت الطلب و بديت اعبي الفراغات فيه ……. و بالصدفة دخل اول شخص …… بيسأل في المديرة يلي بيعرفها مسبقاً و بعد السلامات …. بيحكيلها انو خلص من المدرسة تاعتوا و بدوا يقدم طلب بتسألوا كم سنة خبرة عندك ……… طبعا الصدمة الي لاني سامعة ….. ترترتترترترترترترتا ………. 12 سنة …..ز الله أكبر خلص من المدرسة ب 12 سنة و جاي بيدور على شغل تاني …..

مش هون المصيبة بيجي واحد تاني عندو خبرة 8 سنين …..ز و الطحن بيجي واحد ثالث عنده خبرة 10 سنين و قاعدة انا سرحانة يا ربي راح يطلعوا بطلبي ……. ما اعتقد وين انا و وين 12، 10 ، 8 ، معليش يا بنت بحكي لحالي ارمي هالطلب لعل و عسى ما يطلعوا على هالخبرات و يأخدوكي …… اعطيت الصبية الطلب و بسألها المقابلات راح تكون لكل يلي قدموا  ؟

طبعا الجواب معروف سلف ….. لا بعد ما نشوف الطلبات بتكون المقابلة بس للمختارون ……..ز ما بدي انسى تأثير كرت الواو او حتى الفيتامين المسمى بفيتامين واو …….. و الله بدي أروح أشتري كرتونة منه بس لو أعرف من وين بينشرى ……..

يا جماعة …. انا حكيت جزء من هالقصص يلي بتواجهني لما أروح أقدم طلب توظيف ……….

بتعرفوا شي نفسي اشوف إعلان بيطلب موظفين و بالشروط نفسها و لكن في شرط يكون مكتوب الخبرة غير ضرورية ….. و المقابلات للجميع ……… هههههههههههه - طبعا هادا في الاحلام ……

المهم كمان قصة تانية

مدرسة خاصة ….. بدها معلمات و مرشدة تربوية …… بروح أأقدم طلب بتطلع المديرة على السي في - عفوا السيرة الذاتية - بتحكيلي السي في كتير منيحة بس ممكن سؤال شو الجنسية تاعتك ؟

طبعا أردنية و أفتخر ………. بتطلع في بشكل مش طبيعي و بتحكيلي ” ….. سوري بس احنا ما بناخد الا …….. ” شكرا .

انا عندي عتب صغير و كمان كل الشباب يلي متلي …… و الصبايا و العتب هو على ديوان الخدمة المدنية انا لما أدرس 4 سنين في الجامعة و لما اتخرج ابني طموحات كبيرة على سرعة إيجاد العمل و ادفع او بالاحرى يدفع أبوي دم قلبه علشان يعلمني ليش و في الاخير ما في عوض ….. عتبي على الديوان انها ما بتخاطب الجهات امسؤولة في الجامعات و بتحكيلهم هادا التخصص عندي خريجين فيه بالالاف الالاف لا درسوا و قفوه ……. و قبل ما يخلصوا خريجنها بشي أربع سنين تطلب فتح هالتخصص في الجامعات …. ليه ما بتطلع نشرات سنوية عن التخصصات المطلوبة و التخصصات المغلقة و الراكدة و شبه المغلقة ……… كان ما حدا بيوقع في نفس الوقعة اللي انا وقعتها …..

سامحوني طولت عليكم ……… أميرة الدمع …….